Një 53-vjeçar është arrestuar nga Policia në Krujë, pasi është kapur i dehur në timon.
Sipas policisë, efektivët e Rrugores, i kanë bërë shenjë për ndalim drejtuesit të një automjeti që po bënte manovra të gabuara dhe më pas nga testi i alkoolit, rezultoi se ishte në gjendje të dehur.
Ai do të akuzohet për veprën penale “Drejtimi i automjetit në mënyrë të parregullt”.
“Shërbimet e Komisariatit të Policisë Rrugore Krujë, gjatë kontrolleve për evidentimin dhe ndëshkimin e drejtuesve të automjeteve që shkelin rregullat e qarkullimit rrugor apo drejtojnë automjetin, në mënyrë të parregullt, në Fushë Krujë, i kanë bërë shenjë për ndalim drejtuesit të një automjeti që po bënte manovra të gabuara.
Pas verifikimit të dokumentacionit, drejtuesi i automjetit, shtetasi B. B. iu nënshtrua testit të alkoolit, nga i cili rezultoi në gjendje të dehur, në masën 2.12mg/l.
Në përfundim të veprimeve, shtetasi B. B., 53 vjeç, banues në Fushë Krujë, u arrestua në flagrancë për veprën penale “Drejtimi i automjetit në mënyrë të parregullt””, thuhet në njoftimin e policisë.
