Një përplasje fizike ka ndodhur këtë të martë në Qendrën e Numërimit të Votave në sallën “1 Tetori” në Prishtinë mes komisionerëve të Vetëvendosjes dhe Lidhjes Demokratike e Kosovës. Menjëherë pas incidentit të ndodhur është ndërprerë numërimi i votave të kandidatëve për deputetë.
Siç shihet edhe në pamje përplasja fillimisht nisi verbale, ndërsa në një moment komisionerët u shtynë mes njëri tjetrit. Por më pas ndërhyri policia për të qetësuar palët.
Gjithashtu bëhet e ditur se përplasja verbale nisi për një votë, ku komisionerët e VV-së kërkuan që ajo të mos numërohej si e rregullt, ndërsa ata të LDK-së kërkuan që ajoj të llogaritej si e rregullt.
