Drejtuesi i fushatës së Donald Trump, Christopher Joseph LaCivita do të drejtojë dhe fushatën e Partisë Demokratike për zgjedhjet parlamentare të 11 Majit. Ai u prezantua ditën e sotme nga Sali Berisha, në një aktivitet ku ishin të pranishëm dhe aleatët e PD-së.
I pyetur se sa i ka kushtuar PD-së, Chris LaCivita, Berisha deklaroi se do të merret vesh shumë shpejt, ndërsa theksoi se nuk ka qenë ai që ka bërë negociatat.
“Do t’i merrni vesh të gjitha, nuk ka asnjë sekret. Ta dini mirë. Nuk jam unë personi që jam marrë me negociatat, por nuk ka asgjë që do mbetet pa u thënë. Ju siguroj, asnjë diskutim.”, tha Berisha jashtë sallës së Kuvendit në një prononcim për gazetarët.
I pyetur nëse ka emrin e një kandidati për kryebashkiak nëse Tirana shkon në zgjedhje të parakohshme pas arrestimit të Erion Veliajt, Berisha tha: “PD sigurisht që do të studiojë me shumë vëmendje kandidatët e saj, por PD kërkon dorëheqjen e menjëhershme të Edi Ramës, i damkosur si kukulla e Soros”.
