Arben Ahmetaj është futur live në emisionin “Çim Peka Live” dhe i ka kthyer përgjigje analistit Baton Haxhiu në lidhje me deklaratat e këtij të fundit se në dëshminë e ish-zv/kryeministrit ka çështje morale për kohën e denoncimit.
Ish-numri 2 i qeverisë Rama i është përgjigjur Haxhiut duke i thënë se nuk po flasim këtu për tradhëtira që të kemi të bëjmë me çështje morale por për paratë e qytetarëve shqiptarë.
“Nuk po flas për çështje morali. Nuk jemi duke folur kush tradhtoi gruan. Po flas për afera korruptive. 50-milionë tuneli një dorë, 10-mijë detoksi, 1.3-miliardë Thumanë-Kashar, 28-mijë dorallë bileta…NQS këto janë morale, më falni se unë nuk iu referova moralit iu referova shifrave të zhdukura nëpërmjet strukturës kriminale dhe korruptive. E ke parë se çfarë më ka bërë mua TopChannel. E ke marrë dosjen? Turp!”, u shpreh Ahmetaj.
Analisti Haxhiu nuk mundi t’i përgjigjet ish-zëvendëskryeministrit, por tha se media e tij po heton mbi 3 nga akuzat që ka bërë ai për qeverinë Rama.
