Manuel Neuer ka zgjatur kontratën e tij me Bayern Munich, e cila do të skadonte në fund të këtij sezoni, për një vit të mëtejshëm, pra deri më 30 qershor 2026. Ky do të jetë sezoni i 15-të i portierit me klubin.
Max Eberl, anëtar i bordit për sportin. deklaroi:
“Manuel Neuer është portieri më i mirë i brezit të tij dhe një ikonë e Bayern-it. Kur flitet për portierët në kohën tonë, flitet për Manuel Neuer – dhe kjo është në të gjithë botën. Ai është një model i jashtëzakonshëm, si në fushë ashtu edhe jashtë saj. Jemi të lumtur që kjo lidhje e jashtëzakonshme dhe e suksesshme do të vazhdojë.”
Christoph Freund, drejtor sportiv:
“Manuel Neuer ka vendosur standardin për portierët për më shumë se një dekadë. Ai është kapiteni ynë, një figurë e madhe te Bayern-i, dhe ekipi e di se mund të mbështetet gjithmonë tek ai. Jemi të lumtur që mund të ndjekim objektivat tanë edhe sezonin e ardhshëm me të.”
Vetë ‘gardiani’ gjerman u shpreh:
“Më pëlqen shumë të luaj futboll dhe dua të mbetem lojtar i Bayern-it. Jam ende i etur për sukses dhe mezi pres për një vit tjetër në këtë klub të veçantë. Ne gjithmonë kemi pasur biseda të mira. Kjo është një ndjesi e mirë. Kjo ndihet mirë dhe kemi ende shumë objektiva për të arritur së bashku.”
Neuer u bashkua me Bayern-in nga Schalke në verën e vitit 2011 dhe ka qenë kapiten që nga viti 2017. Ai ka fituar dy herë ‘tripletën’ (Bundesliga, DFB Cup dhe Champions League) në vitet 2013 dhe 2020, gjithashtu ka ngritur Kupën e Botës për Klube të FIFA-s dhe UEFA Superkupën në të dy vitet.
38-vjeçari ka fituar 11 herë Bundesliga-n, gjashtë DFB Cups dhe shtatë Superkupa. Ai ka bërë 547 paraqitje konkurruese me ngjyrat e Bayern-it, si dhe ka luajtue 124 ndeshje me Gjermaninë, me të cilën ka fituar Kupën e Botës në vitin 2014.
Neuer është shpallur Portieri më i Mirë i Botës nga IFFHS pesë herë, Portieri më i Mirë i Botës i Dekadës (2011-2020), Portieri më i Mirë i FIFA-s dhe ka qenë dy herë Futbollisti më i Mirë i Vitit në Gjermani.
