Nga Basir Çollaku
Duket se Struktura e Posaçme më shumë po bën akte politike se sa juridike dhe proceduriale. Rikthyen 21 janarin por nuk thërrasin Ramën prej 14 vitesh. Madje as Erion Veliajn si nxitës e lyers kokash protestuesve me bojë të kuqe.
Hetojnë Bashkinë po nuk marrin dot masë për Veliajn. Kanë gjithë ministrat të pandehur por nuk kanë ende kohë për vendime arresti. Janë një tufë dosjesh të tjera të krimit të organizuar, ku ka prokurorë e gjyqtarë e oficerë policie të përfshirë në dosje mafioze.
Është premtuar gjoja një strategji për krimet elektorale të zgjedhjeve parlamentare. Kjo mesele nuk zgjidhet me aplikacion.
Po shtabet elektorale me trafikantë njerëz të inkriminuar me deputetë, ministra e bashkiakë të mazhorancës?! Të gjithë të zbardhur në dosjet e sky-enchro. Me emra. Me aktivitete. Me vjedhje e blerje mandatesh.
Kjo është ajo çfarë nuk po ndodh. Elbasani, Shkodra, Durrësi kanë tre procedime penale ku të dhënat zyrtare flasin për skemën kriminale elektorale. Propozime bandash të firmosur nga KM Rama. Asnjëherë dëshmi e kërkuar nga Struktura e Posaçme.
Për të mos ardhur te Bashkia Tiranë ekipi elektoral i PS në qeli në kërkim të kryetarit Veliaj për t’u bashkuar në kafazin e hekurt. Katër akuzat më të rënda të një funksionari publik janë për Erion Soros njërin nga vëllezërit e Aleksit.
Përse SPAK nuk merr masë sigurie? Eshtë e gjithë familja e pandehur. Edhe familja Rama njëlloj e gjitha nën akuzë. Ku u amnistua Olsi me nxitim.
Të pandehurit e Strukturës kandidojnë të mbajnë pushtetin. Nëse presin zgjatje mandati të përbashkët të dy palët, atëherë drejtësia është e gjitha nën akuzë. Nëse nuk veprohet me emergjencë, atëherë ky është kandidim i SPAK njëlloj si i PS për zgjedhjet e 11 majit 2025.
