Champions League kthehet në fushë pas pauzës që zgjati mbi një muaj teksa janë publikuar formacionet zyrtare të sfidave.
Barcelona dhe Liverpool janë kryefjala e kësaj të marte, me të dyja skuadrat që kërkojnë të mbyllin çështjen e kualifikimit në 1/8.
“The Reds” sfidojnë francezët e Lille dhe kërkojnë të vijojnë ecurinë perfekte në këtë edicion. Pas gjashtë fitoreve të para, skuadra e Arne Slot kërkon të përforcojë pozitat në krye të renditjes dhe me një sukses do ta realizonin misionin me sukses.
Liverpool-Lille
Barcelona nga ana e saj është rikthyer në formën më të mirë pas luhatjeve në kampionat. Barazimi i fundit me Getafen nuk është tregues krize, por më tepër një shenjë se katalanasit po kursenin fuqitë për duelin me Benfica. Me renditjen mes tetë të parave dhe kalimin direkt në fazën tjetër, Hansi Flick do të ketë shansin të menaxhojë energjitë e lojtarëve.
Benfica-Barcelona
Sfidë interesante edhe ajo në Madrid, ku Atletico luan me Bayer Leverkusen. Gjermanët janë të katërtët me 13 pikë, teksa “Colchoneros” në vendin e 11, me një pikë më pak. Ndeshja pritet të jetë mjaft e luftuar, ku diferencën në kualitetin e dy skuadrave mund ta bëjë faktori fushë në favor të spanjollëve.
Atletico Madrid-Leverkusen
Në fushë në mbrëmjen e sotme zbresin edhe Juventusi dhe Borussia e Dortmund. Bardhezinjtë luajnë në trasfertën me Club Brugge dhe me një fitore do të ëndërronin përfshirjen në “Top 8”, por minimalisht do të hipotekonin fazën “playoff”.
Clubb Brugge-Juventus
Borussia ndërkohë luan në fushën e Bologna, që ende nuk ka arritur fitoren e parë në këtë edicion të Champions. Gjermanët janë vetëm një pikë larg zonës së kualifikimit direkt dhe suksesi në mbrëmjen e sotme do i vendoste në pozita komode përpara duelit të fundit në grup.
Bologna-Dortmund
