Një 53-vjeçar i shpallur në kërkim ndërkombëtar për dhunë seksuale dhe emigracion i paligjshëm është arrestuar në Kurbin.
Sipas policisë, 53-vjeçari përdorte 4 identitete të ndryshme: Kastriot Marku, alias Erjon Prenga, alias Ervis Murati alias Landi Lleshaj.
“Në kuadër të operacioni koduar “FOUR”, falë veprimeve të shpejta dhe të koordinuara, në Laç u bë kapja dhe arrestimi me qëllim ekstradimi i shtetasit K. M., 53-vjeç alias E. P., alias E. M., alias L. Ll.
Ky shtetas ishte shpallur në kërkim ndërkombëtar nga Interpol Roma, Itali, pasi Gjykata e apelit në Firenze, e ka dënuar me 7 vite e 4 muaj e 8 ditë burg për veprat penale “Dhunë Seksuale” dhe “Emigracioni i paligjshëm”, të parashikuara nga Kodi Penal Italian”, thuhet në njoftim.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
