Jep dorëheqjen Prefekti i Qarkut Lezhë Gjergj Prendi. Shkak duket se janë bërë, përplasjet me kreun e bashkisë.
Pas rreth dy vitesh në këtë detyrë, Prefekti i Qarkut Lezhë, Gjergj Prendi ka dhënë doreheqjen nga posti.
Sipas burimeve ai e ka paraqitur dorëheqjen një ditë më parë pranë Keshillit të Ministrave.
Shkaku i ketij vendimi nga ana e prefektit, duket se janë bërë përplasjet me kreun e Bashkisë Lezhë Pjerin Ndreu, pas kthimit të një vendimi të miratuar nga Këshilli Bashkiak në fund të vitit që lam pas, në lidhje me amnistinë fiskale për tarifat vendore.
Gjergj Prendi e mbante postin e prefektit të Qarkut Lezhë prej muajit prill të vitit 2022. Ish-ushtaraku Prendi ka qenë edhe më parë Prefekt i Qarkut Lezhë për rreth 2 vite.
