Policia ka zbardhur dinamikën e aksidentit të regjistruar pasditen e kësaj të premte në aksin rrugor Lezhë–Kryqëzimi i Rrilës.
Sipas policisë, rreth orës 21:10, automjeti me drejtues shtetasin Marko Pershqefa, 23 vjeç, banues në Lezhë, është përplasur me motomjetin me drejtues shtetasin Paulin Marku, 36 vjeç, banues në fshatin Barbulloj, Lezhë.
Si pasojë e aksidentit, shtetasi Paulin Marku, ka humbur jetën.
Drejtuesi i automjetit, është shoqëruar në Komisariat, për veprime të mëtejshme procedurale.
Grupi hetimor ndodhet në vendngjarje dhe vijon punën për sqarimin e rrethanave dhe shkakut të aksidentit.
