Një aksident i rëndë është regjistruar mbrëmjen e sotme në aksin Lezhë–Rrilë.
Sipas informacionit paraprak, një automjet është përplasur me një motomjet dhe për pasojë ka humbur jetën drejtuesi i këtij të fundit.
Ndërkohë, drejtuesi i automjetit është shoqëruar në Komisariat për kryerjen e veprimeve të mëtejshme procedurale.
Në vendngjarje ndodhet grupi hetimor, i cili po punon për zbardhjen e plotë të rrethanave dhe shkakut të aksidentit tragjik.
