Mediat britanike raportojnë se Bayern Munich dhe Chelsea kanë nisur një betejë intensive për Kobbie Mainoo, i cili aktualisht vlerësohet 70 milionë euro nga Manchester United.
Të dy gjigantët evropianë janë të gatshëm të bëjnë një përpjekje të konsiderueshme për të siguruar shërbimet e 19-vjeçarit, e ardhmja e të cilit në “Old Trafford” duket gjithnjë e më e pasigurt.
Bayern Munich po kërkon të forocojë mesfushën pas largimeve të mundshme të figurave kryesore si Leon Goretzka dhe pasigurisë që lidhet me Joshua Kimmich. Mainoo do të përshtatej në mënyrë të përkryer me planet e bavarezëve, të cilët kanë nevojë për element të rinj për të rigjallëruar skuadrën e tyre.
Nga ana tjetër, “Blutë” po kalojnë gjithashtu një fazë rindërtimi dhe e shohin anglezin si një zgjidhje ideale duke parë dyshimet rreth lojtarëve si Carney Chukëuemeka dhe Cesare Casadei.
Kobbie Mainoo konsiderohet si një nga futbollistët e rinj më premtues jo vetëm në Angli, por edhe më gjerë. Deri tani ka luajtur 50 ndeshje për Manchester United duke u dalluar për pjekurinë dhe cilësinë e tij në mesfushë. Gjithashtu është dhe pjesë e rregullt e kombëtares angleze.
