Kreu i Partisë Demokratike, Sali Berisha ka reaguar për kontrollin e fundit të kërkuar nga SPAK dhe kryer nga agjentët e BKH-së në një ambient në zonën e ish-Bllokut që dyshohet se përdorej nga familjarët e kryebashkiakut të Tiranës, Erion Veliaj.
Përmes një postimi në Facebook, Berisha ka publikuar mesazhin e “qytetarit dixhital”, sipas të cilit, gjatë kontrollit në banesën e familjarëve të Veliajt janë gjetur qindra fatura, dhjetëra kontrata dhe sasi e madhe parash cash.
“Përshëndetje dr. Dje ne ora 13:00 është kontrolluar nga BKH ne një operacion blic një apartament i fshehte i çiftit Veliaj mbi qendrën Harabel. Sipas Nesti Angonit ky ishte apartamenti i kesh-it te tyre. Apartamenti është gjetur grumbuj me fatura, me dosje te shumta kontratash por edhe kartonë plot me euro. Te gjitha janë sekuestruar se bashku me kompjuterët dhe pajisjet tjera dixhitale. Kontrolli u be nen mbrojtjen e rreptë te policisë dhe vendim te gjykatës!”, thuhet në mesazhin e publikuar nga Berisha e cila shoqërohet me dokumentin më poshtë:
Vendimi i gjykatës është ekzekutuar paraditen e sotme nga agjentët e BKH, të cilët kanë administruar në këtë ambient dokumente, apo pajisje elektronike me vlerë për hetimin.
Lexo edhe:
Gjykata e Posaçme lëshon një tjetër urdhër kontrolli për çështjen “Veliaj”
