Disa orë pasi SPAK njoftoi pezullimin e hetimeve për çështjen ‘Xibraka’ dhe tha se Olsi Rama nuk është i përfshirë në dosjen kriminale të Xibrakës, ka reaguar kryetari i Grupit Parlamentar të PD, Gazment Bardhi.
Bardhi përmes një video në rrjetet sociale, thekson se nuk e kupton deklaratën e SPAK, e cila sipas tij nuk është e qartë nëse ka pezulluar hetimet apo ka përfunduar hetimet.
Sipas Bardhit, prokurorët e SPAK për shkak të presionit dhe ndërhyrjes dhe intimidimit detyrohen të kthehen në qesharak.
Sipas kreut të Grupit Parlamentar të PD-së, SPAK kishte shansin të provonte se ishte e pavarur dhe se kryen hetim të plotë dhe të paanshëm.
“Njoftimi se njëri nuk është, por nuk e dimë kush janë është fiks logjika që përdori para 10 vitesh policia e shtetit, duke na thënë se kishte arritur të identifikonte moshën e personit, konkrete 45 vjeç, por nuk i gjente dot emrin. I kuptoj prokurorët e SPAK sepse ndihen të pafuqishëm përballë pushtetit të Ramës.
E kam patur të qartë pamundësinë e tyre për ta bërë të ndëshkueshëm dikë që ka statusin e pandëshkueshëm për shkak të pushtetit të të vëllait. Por prokuroria kishte shansin të na provonte se ishte e pavarur, e paanshme, profesionale dhe se kryen hetim të plotë dhe të paanshëm”, tha Bardhi.
View this post on Instagram
Lexo edhe:
Dosja “Xibraka”/ SPAK pezullon hetimet: Nuk kemi prova për përfshirjen e Olsi Ramës
