Kreu i Partisë Demokratike, Sali Berisha ka shkuar mesditën e kësaj të enjte në burgun e Fierit për të takuar ish-deputetin demokrat Ervin Salianji.
Berisha ka qenë i shoqëruar nga sekretari i Përgjithshëm i PD-së, Flamur Noka. Në momentin e daljes nga automjeti, Berisha ka patur edjhe një çantë të vogël, që më pas kur hynë në burg e mbante Flamur Noka dhe siç duket lideri demokrat ka shkuar edhe me një “dhuratë” për Salianjin.
Ish-deputeti i PD-së ndodhet në burgun e Fierit që prej 27 shtatorit të vitit 2024, pasi një ditë para futjes në qeli, Gjykata e Apelit e dënoi me 1 vit burgim për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Vetë Ervin Salianji, por dhe Partia Demokratike e kanë konsideruar këtë vendim si një hakmarrje politike të Edi Ramës dhe Fatmir Xhafajt dhe të pambështetur në prova dhe në ligj.
Më 4 Dhjetor, Ervin Salianji ka bërë rekurs në Gjykatën e Lartë, ku kundërshton vendimet e gjykatave për burgosjen e tij dhe ndodhet në pritje të seancës.
