Kreu i grupit parlamentar të PD-së, Gazment Bardhi ka fituar gjyqin me Operatorin e Shpërndarjes së Energjisë Elektrike (OSHEE), e cila e kishte kallëzuar në SPAK për “shpifje të kryer botërisht”.
Gjykata e Posaçme e ka shpallur Bardhin të pafajshëm, teksa bëhej fjalë për deklratën e 18 tetorit të vitit të kaluar, ku deputeti demokrat lëshoi akuza se vetëm për 1 vit abuzimi me shit-blerjen e energjisë elektrike ka shkuar në mbi 180 milion euro, duke akuzuar edhe OSHEE-në se ka manipuluar përqindje e humbjes se energjisë elektrike në rrjet
Atë ditë, Gazment Bardhi depozitoi edhe një kallëzim në SPAK për çështjen në fjalë ndaj ministres së Infrastrukturës dhe Energjetikës, Belinda Balluku.
Në seancën e sotme në GJKKO, prokurorja e SPAK Anita Jellaka konfirmuar se është regjistruar një procedim penal për vperën penale “shpërdorim detyre” dhe se po kryen veprime hetimore.
Në kallëzimin depozituar në SPAK, Gazment Bardhi pretendon se Belinda Balluku, me veprimet dhe mosveprimet e saj, ka lejuar që energjia elektrike të shitet me humbje jashtë tregut të Bursës, në kundërshtim me ligjin dhe vendimet në fuqi, duke vjedhur hapur qytetarët shqiptarë dhe duke favorizuar 4-5 kompani pranë saj.
Pas seancës së sotme në GJKKO, avokati i Bardhit, Marash Logu i bëri apel Belinda Ballukut që të vijë në SPAK të përballet dhe të tregojë se ku kanë shkuar 180 milion euro.
Marash Logu: U vërtetua se Gazment Bardhi nuk ka bërë asnjë shpifje.Bardhi denoncoi abuzimin e shitblerjes së energjisë. Një abuzim për shitblerjen e energjisë që ka kushtuar 180 mln euro…SPAK ashtu si edhe gjykata e posaçme konfirmuan se zoti Gazment Bardhi nuk ka kryer kallëzim të rremë, por ka përmbushur detyrën si deputet dhe kryetar i grupit parlamentar të PD. SPAK konfirmoi se lidhur me denoncimin publik të Bardhit dhe kallëzimit, është regjistruar procedimi penal për veprën penale të shpërdorimit të detyrës. Në emër të zotit Bardhi kam një apel për zv.kryeministren Balluku. Hajde në SPAK dhe përballu me akuzat që të janë bërë, me vjedhjen 180 mln euro të parave të qytetarëve shqiptarë, trego ku kanë shkuar këto para.
