Fatmir Mataj, babai i 33-vjeçarit Ramazan Mataj, i cili u ekzektuata në një atentat në Shkodër, ka paralajmëruar vetëgjyqësi dhe hakmarrje për të birin, nëse nuk vendoset drejtësia.
Në një prononcim për emisionin “Shqipëria live”, ai deklaroi se nëse nuk e del e drejta, ai do e kërkojë vetë autorin dhe do e lajë në gjakë, teksa i bëri thirrje shtetit që të ndërhyjë në kohë, pa u shtuar më tepër viktima.
Fatmir Mataj theksoi se nuk ka dyshim tek asnjë person, i cili mund të jetë vrasësi i djalit të tij, pasi në të kundërt, do të kishte vepruar brenda 24 orësh. Ai e mohoi kategorishit që të jenë të përfshirë në punë të pista.
Babai i viktimës: I kërkoj shtetit mos të hapë viktima më tepër, të zbardhë çështjen. Nuk kam pas debat me askënd. Kemi qenë për një kafshatë bukë. Djali punonte në Mal të Zi. Priste fejesën dhe letrat. I kërkoj shtetit drejtësi, mos të hapen viktima të tjera, mos të marrim rrugë pa dashje me fjalë. Kur nuk del e drejta, do e gjej vetë. Do ta laj me gjak nëse nuk ndërhyn shteti. I bëj thirrje shtetit të kapen autorët sa më parë. Dhe rrjetet, ju lutem shumë mos fusni hundët, nuk jemi ne ata. Ju lutemi shumë, nuk kemi lidhje më askënd në botë.
Mos abuzoni (mediave). Nuk jemi ne njerëz që merremi me punë të pista. Nuk kemi lidhje me asnjë, vetëm punë shtëpi, shtëpi punë. Mos krijojmë viktima më shumë, ta mbyllim programin më keq, nëse nuk del do e kërkoj vetë, nuk do shkojë gjatë. Nuk kemi asnjë dyshim, më pas dyshim do kisha vepru brenda 24 orëve. Ka qenë i papërgatitur. Në 8:20 na kanë lajmëru, unë kam shëtit gjithkund.
