Një 50-vjecar shqiptar ka mbetur i plagosur rëndë pasditen e kësaj të marte, në Varkiza të Athinës.
Fillimisht policia greke është njoftuar për të shtëna me armë, por pas mbërritjes në vendngjarje ka gjetur të plagosur shqiptarin, i cili ishte qëlluar disa herë me thikë.
Ngjarja ka ndodhur në kryqëzimin e rrugëve “Voreadhon” dhe “Mouson”, ku katër persona kanë zbritur nga një automjet dhe një motor, ku dhe kanë sulmuar në pabesi 50-vjecarin, duke e qëlluar disa herë me thikë në bark. Më pas ata kanë hipur në mjetet e tyre dhe janë larguar, ndërkohë që i plagosuri pasi ka ecur disa metra, është rrëzuar në tokë.
Ai është transportuar me urgjencë drejt spitalit, ndërkohë që policia ka nisur hetimet në vendin e ngjarjes.
