Një makinë është përfshirë nga zjarri natën e kaluar në Pogradec.
Burimet zyrtare bëjnë me dije se bëhet fjalë për automjetin tip “Volswagen” në pronësi të shtetasit L. D., teksa ngjarja ka ndodhur rreth orës 01:30, në fshatin Rrëmenj.
Ky automjet është djegur plotësisht, teksa flakët janë përhapur edhe tek dy automjete të parkuara afër tij, duke u djegur pjesërisht.
Sipas Policisë, zjarri dyshohet se ka rënë aksidentalisht. Gjithsesi, është ngritur një grup hetimor, i cili po punon për zbardhjen e plotë të rrethanave.
