Nga qelia, Presidenti i Partisë së Lirisë, Ilir Meta ka kërkuar që në zgjedhjet parlamentare të 11 majit 2025 qytetarët të rrezojnë pushtetin e socialistëve.
Meta shkruan në Facebook, se 12 vjet “Rilindje” mavi dhe mashtrime, duhen ndëshkuar masivisht në 11 Maj.
Ndërsa më pas, Presidenti i PL-së ka listuar edhe prioritet e forcës politike që ai drejton.
Postimi i plotë:
Falenderim dhe mirënjohje për drejtuesit, anëtarët dhe simpatizantët qëndrestarë dhe patriotë të Partisë së Lirisë që provuan sot se krenarinë e skraparlinjve nuk e kanë thyer dot as pushtuesit më të egër dhe jo më sorrat e pabesa të “Rilindjes” të kalbur në themele e çdo qelizë të saj të kriminalizuar dhe të korruptuar.
12 vjet “Rilindje” mavi dhe mashtrime duhen ndëshkuar masivisht në 11 Maj dhe unë kam besim të plotë në përgjegjshmërinë e skraparlinjve për të ardhmen e vendit.
Pesë Prioritetet tona madhore për 4 milion shqiptarë plus i japin zgjidhje të drejtpërdrejtë problemeve më të mëdha që ka sot Skrapari sepse i japin fund shpopullimit të kësaj treve patriotike dhe me potenciale të jashtëzakonshme për zhvillim, përmes mbështetjes së fuqishme për bujqësinë dhe blegtorinë me pagesa të drejtpërdrejta, për të rinjtë dhe të rejat e mrekullueshëm, si edhe për pensionistët që aq shumë kanë kontribuar për zhvillimin e vendit.
Malet tona më të larta!
