Një aksident ndodhi mëngjesin e së martës në aksin rrugor Korçë-Pogradec, në afërsi të fshatit Lumalas.
Drejtuesi i një mjeti tip “Ford” ka humbur kontrollin e mjetit e për pasojë, ka dalë jashtë saj duke u përplasur me barrierat mbrojtëse dhe më pas ka përfunduar në anë të rrugës.
Paraprakisht dyshohet se shkak i aksidentit të ketë qenë lagështia në rrugë ndërsa i lënduar ka mbetur drejtuesi i mjetit i cili në atë moment po udhëtonte i vetëm në makinë.
Drejtuesi i mjetit ka fraktura dhe lëndime por është jashtë rrezikut për jetën.
