Askush nuk e priste një lajm të tillë, por një media serioze në Gjermani si “Sport1” duhet marrë në konsideratë: Alphonso Davies nuk do të largohet nga Bayern.
Pavarësisht se për të Real Madrid ka shfaqur interes shumë konkret, pa përjashtuar edhe Barcelonën, kanadezi ka vendosur të rinovojë kontratën në “Allianz Arena”.
Kontrata e tij aktuale në Mynih skadon në fund të sezonit dhe mund të largohet, nëse do, me parametra zero më 1 korrik 2025. Ai po joshej muajt e fundit nga oferta e “Los Blancos”.
Gjithsesi, “Sport1” raporton se mbrojtësi i majtë ka ulur kërkesat e tij për pagën dhe bonuset, duke pranuar ofertën që Bayern i ka bërë muaj më parë.
Pritet që Davies të hedhë firmën para Krishtlindjeve. Ky lajm tregon se Bayern nuk i lëshon lojtarët për kollaj, por as nuk trembet kur yjet duan paga të larta.
