Ndeshja mes Atalantës dhe Interit e vlefshme për javën e 14-të të Serie A është ndërprerë teksa po luhej pjesa e parë.
Rreth minutës së 17-të të ndeshjes gjatë një ndërprerje për momentin për shkak të një kontrolli të VAR, futbollisti i vendasve, Edoardo Bove u rrëzua papritur përtokë për arsye ende të panjohura.
#edoardobove secondo le prime indiscrezioni apprese su Radio1 (da verificare) sarebbe vigile e respirerebbe da solo. Bove ha avuto un malore durante #fiorentinainter partita rinviata, speriamo di avere presto buone notizie pic.twitter.com/EXvHRgQhUM
— Terenzio Rucci (@RucciTerenzio) December 1, 2024
Mesfushori 22-vjeçar është ndihmuar menjëherë nga personeli mjekësor dhe brenda pak minutash është marrë me autoambulancë teksa është dërguar në spital.
Ende nuk ka informacione të tjera rreth gjendjes së tij.
Ngjarja ka prekur thellë lojtarët e të dyja ekipeve, të cilët u panë të shqetësuar dhe disa prej tyre madje shpërthyen në lot.
Gjyqtari i ndeshjes vendosi që lojtarët të largohen drejt dhomave të zhveshjes, ndërsa mbetet e paqartë nëse ndeshja do të rifillojë.
Incidenti ka krijuar një atmosferë të rëndë në stadium, teksa të gjithë presin me shqetësim informacione të reja për gjendjen e futbollistit.
