Një atentat me armë zjarri ka ndodhur rreth orës 1 pas mesnatës së të hënës në zonën e Porcelanit në Tiranë. Persona të paidentifikuar kanë vrarë me armë zjarri shtetasin Klajdi Prendi, 28 vjeç.
I riu është qëlluar sapo ka dalë nga një lokal i njohur i zonës. 28-vjeçari është dërguar me automjetin e tij ne spitalin e traumës nga miqtë e tij.
Viktima lëvizte me një automjet Mercedes G Class ku është qëlluar. Makina e dyshuar e autorëve është gjetur e djegur në fshatin Farkë.
Klajdi Prendi është djali i ish-gjyqtarit Fran Prendi.
Dyshohet se 28 vjeçari është qëlluar me silenciator. Një makinë e djegur është gjetur në Farkë që sipas policisë, është përdorur në atentatin ndaj Prendit. Sakaq, disa persona që ndodheshin në disa lokale në zonë në momentin e ngjarjes janë shoqëruar në polici.
Hetuesit e krimeve në drejtori kanë konfirmuar se bëhet fjalë për makinën e përdorur në atentatin ndaj 28 vjeçarit Klajdi Prendi, i cili u vra pak pas mesnate në zonën e Xhamllikut në Tiranë.
Po sipas të njëjtave burime, mjeti i gjetur i djegur është me targa te huaja.
Autorët e atentatit kanë qenë në një makinë dhe 28 vjeçari është qëlluar sapo ka dalë nga lokali në Xhamllik për të hyrë më makinën e tij, tip G class ngjyrë gri, e cila është mbushur plot me vrima plumbash.
Tiranë/Informancion paraprak
Më datë 19.11.2024, rreth orës 00:36, në rrugën “Xhanfize Keko” , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë.
Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”.
Një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj, identifikimin dhe kapjen e autorit/ëve të dyshuar.
