Gazetari Sokol Bregu, duke komentuar në emisionin “Të Paekspozuarit”, zhvillimet e dosjes “Toyota Yaris” u shpreh se ndryshe nga shumë dosje që jepen në media dhe bëhen publike, kjo mbahet sekret, sepse aty mund të përfshihen edhe prokurorë të SPAK-ut.
Sokol Bregu: Ndryshe nga dosjet që jepen në media, kjo dosje është shumë e vështirë. Një prokuror rrethi nëse ka patur SKY EÇ si ai i Vlorës, dhe çdokush do të kërkojë të ndikojë te prokurori i rrethit Vlorë. Jo vetëm për çështjen për të cilën ka shkuar në burg, por edhe për të tjera, ku ka emra politikanësh.
Lëvizje ka patur, sepe politikanët kur marrin goditje lëvizin ndryshe. Në bazën e thashethemeve që dalin, aty përfshihen edhe prokurorët e SPAK-ut.
Klodiana Lala: Nuk është thashethem, por është fakt edhe është pyetur nga kolegët, por nuk jemi në gjendje ta themi deri në çfarë niveli.
Sokol Bregu: Shumë prej avokatëve thonë nëpër studio se që dosja ka edhe edhe prokurorë. Ndaj edhe e them si thashethem se ka edhe prokuror të SPAK në bashkëbisedim me prokurorin e Vlorës. Dhe hyjmë në atë që SPAK-un nuk ka kush ta hetojë.
