75-vjeçarja shqiptare Shaniko Çaushi doli herët mëngjesin e 23 shtatorit të vitit 2022 nga shtëpia në zonën e Alikianos të Chanias në Greqi për të vizituar të birin e plagosur, i cili banonte pak metra më poshtë. Por, ajo kurrë nuk arriti në shtëpinë e djalit të saj, duke u zhdukur në mënyrë misterioze sikur toka u hap dhe e gëlltiti.
Ndërkohë, pas dy vitesh janë zbardhur dëshmi të reja që mund të çojnë në zbardhjen e kësaj ngjarje thriller të zhdukjes së të moshuarës shqiptare.
Zhdukja po zbardhet nga emisioni “Drita në tunel” me Angeliki Nikolouli dhe sot pas gati dy vitesh prifti i fshatit është i dyshuari kryesor për vdekjen 75-vjeçares, Shaniko Çaushi, nënë me 7 fëmijë, por edhe gjyshe me 19 nipër e mbesa.
Mediat greke raportojnë se ndaj priftit të fshatit është ngritur një akuzë për vrasje, ndërsa dy të huajt me kombësi çeke dyshohet se janë akuzuar si bashkëpunëtorë.
Sipas shkresave, dyshohet se e moshuara shqiptare është goditur nga makina e priftit teksa po kalonte rrugën për në shtëpinë e djalit të saj. Më 22 mars 2022, prifti duke folur me Evangelia Marinaki dhe në emisionin “Drita në tunel” me Angeliki Nikolouli, pohoi se nuk e njeh 75-vjeçaren.
Bashkëpunëtorët e priftit ishin dy çekë, baba e bir, të cilët në atë kohë po kryenin punë në varrezat e fshatit dhe tentuan të mbulonin aksidentin, duke zhdukur gjurmët, si dhe trupin e 75-vjeçares.
Para dy vitesh, familjarët dhe miqtë e të moshuarës fatkeqe nuk mund ta besonin atë që kishte ndodhur, sesi 75-vjeçarja u zhduk duke ecur në rrugët kryesore të fshatit. Pavarësisht gjithçkaje, ata po i bënin presion autoriteteve për të nisur hetimet. Prifti dhe dy çekët u vunë në shënjestër që në fillim të hetimit, por nuk kishte prova të forta të fajësimit.
Raportohet se është vetëm çështje kohe që famullitari i Qarkut, i cili ka marrë edhe titullin kryekomisar i rrethit të 5-të të Mitropolisë, do të jetë përpara organeve hetimore, pasi është hetuar për vrasje me dashje në një gjendje të lirë.
