Mijëra qytetarë kanë kundërshtuar ardhjen e Ramës në takimin me diasporën në New York.
Kryeministri është përballur me zemërimin e diasporës së vërtetë atje, të cilët kanë shpërthyer njëzëri me thirrjet “Rama hajdut”, “Rama ik”, ‘Poshtë komunizmi”, “Liri Demokraci”.
Në fjalimin e tij, brenda sallës Rama ka kërkuar votën e shqiptarëve të Amerikës me synimin, anëtarësimin e Shqipërisë në BE në vitin 2030. “Do të ngrej flamurin e Skënderbeut dhe Ismail Qemalit në oborrin e BE, në Bruskel”- ka thënë Rama.
“Jam përpara jush e gjithë shqiptarëve të Amerikës se pranverën e ardhshme dua votën tuaj nga Amerika për ta bërë Shqipërinë 2030 anëtare të Bashkimit Evropian. Për ta ngritur bashkë me ju flamurin e Skënderbeut dhe Ismail Qemalit në oborrin e BE, në Bruskel përkrahë gjithë flamujve të tjerë të familjes së madhe evropiane, të cilët i kemi përkitur historikisht. Sot është dita për të bërë së bashku historinë. Ky është premtimi i premtimeve. Ky është vetë kuptimi i këtyre mandateve dhe mandatit të ardhshëm për Shqipërinë”, u shpreh ai.
