Një 46-vjeçar ka përfunduar në prangat e Policisë në Mat, pasi u kap në flagrancë teksa kujdesej për bimët narkotike që kishte mbjellë në pyllin e fshatit ku banonte.
Gjithashtu u procedua në gjendje të lirë edhe kryeplaku i fshatit Baz për veprën penale “Shpërdorimi i detyrës”.
Materialet procedurale i kaluan Prokurorisë.
Njoftimi i policisë:
Mat/Vijojnë operacionet policore të njëpasnjëshme kundër kultivimit të bimëve narkotike.
Finalizohet operacioni policor i koduar “End”.
Kujdesej për bimet që kishte kultivuar, Policia kap në flagrancë dhe vë në pranga 46-vjeçarin.
Asgjësohen nëpërmjet djegies dhjetëra bimë narkotike.
Procedohet penalisht për shpërdorim të detyrës, kryetari i fshatit Rreth Baz.
Si rezultat i kontrolleve të imtësishme të kryera kundër kultivimit të bimëve narkotike, Komisariati i Policisë Mat finalizoi operacionin policor të koduar “End”. Në kuadër të operacionit, u arrestua në flagrancë shtetasi Dh. Gj., 46 vjeç, banues në fshatin Rreth Baz, i cili u kap në flagrancë teksa kujdesej për bimët narkotike që kishte mbjellë në pyllin e fshatit ku banonte.
Në vijim të veprimeve procedurale për rastin u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për shtetasin R. D., kryetar i fshatit Rreth Baz.
Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Dibër, për veprime të mëtejshme.
