Kolegji i Posaçëm i Apelimit, KPA shpalli të mërkurën më 23 tetor vendimin për lënien në fuqi të shkarkimit nga detyra të gjyqtares së Fierit, Matilda Shalla.
Vendimi u mor në mënyrë unanime nga trupi gjykues i Kolegji i kryesuar nga Sokol Çomo, me relatore Natasha Mulaj dhe anetare Albana Shtyllën, Ina Ramën e Mimoza Tasin, pas shqyrtimit të ankimit të saj në dhomë këshillimi.
Gjyqtarja e Fierit, Matilda Shalla u shkarkua nga detyra më 28 prill 2022 nga Komisioni i Pavarur i Kualifikimit, KPK, pasi u konkluduan probleme në kriterin e pasurisë.
