Detaje të reja janë mësuar nga ngjarja e rëndë në Korçë, ku një 62-vjeçar u fut nga dritarja e shtëpisë dhe tentoi të kryejë marrëdhënie seksuale me dhunë me një të moshuar.
Ndërkohë është zbardhur dëshmia e të moshuarës përpara oficerëve të policisë gjyqësore.
E moshuara mësohet të ketë rrëfyer detaje nga ngjarja, zhurma e cila e zgjoi në 2:30 të natës dhe përpjekjet që ajo ka bërë për ti rikujtuar 62-vjeçarit se ishte nip i bashkëshortit të saj.
Më tej e moshuara thotë se është detyruar ta sulmojë për të mbrojtur veten, ajo thotë se jeton e vetme pasi vajzat i ka të martuara por natën e ngjarjes ka qenë i vëllai që i ka ardhur në ndihmë.
Dëshmia e të moshuarës:
U fut nga dritarja në orën 2:30 të natës, kur unë isha në gjumë.
Më theu dritaren e dhomës së gjumit.
Kishte tentuar të futej nga dritarja tjetër e shtëpisë, nuk ja doli dot që aty dhe hyri nga dhoma e gjumit.
Unë isha në gjumë, u tmerrova se bëri zhurmë të madhe kur u thye xhami.
Unë u ngrita dhe ç’të shihja një njeri që rri përpara meje në 2:30 të natës.
Kur e shoh ai ishte djali i kunatit, e kemi nipin e shtëpisë.
Nuk u besoja syve. Ai thërriste, më thoshte fjalë të pista, tentoi të më kapë por unë gjeta fuqinë, e kam kundërshtuar, kam luftuar e vetme.
I thosha të kemi djalin e shtëpisë, por ai nuk dëgjonte. E sulmova mesa fuqi kisha ta ndaloja.
E nxora jashtë dhe në atë moment marr motrën në telefon, më pas motra lajmëron vëllain dhe ky i fundit vjen në shtëpi. Ja shpjegoj situatën dhe më pas lajmëruam policinë.
Unë jetoj vetëm, nuk kam njeri në shtëpi, vajzat i kam të martuara. Përjetova tmerrin.
