Mbahet sot protesta e opozitës, ku Partia Demokratike në orën 18:00 do të zbresë në shesh kundër qeverisë, në një protestë që është paralajmëruar të jetë ndryshe nga herët e tjera.
Në Kryesinë e PD u vendos që të jetë një protestë marshim në formën e mosbindjes civile dhe shifrat flasin që do të ketë pjesëmarrje masive të protestuesve nga rrethet dhe degët e PD-së, thotë për ‘MCN live”, drejtuesi politik i PD për qarkun Korçë, Ivi Kaso.
“Informacioni ne selinë e PD-së është se ka një mobilizim të madh të degëve të PD-së në rrethe ashtu edhe në Tiranë për të siguruar një pjesëmarrje masive, të paktën të militantëve të PD-së, të asaj pjese të strukturë që ka kohë që e pret një protestë të tillë. Sigurisht pa lënë mënjanë, edhe aspektet e rëndësishme të sensibilizimit në një mase të madhe të qytetarëve që kanë 1001 arsye për të protestuar dhe jo të fundit edhe objektivi politike që ne kemi synuar, që është krijimi i një qeveri teknike që do të garantonte zgjedhjet por sikundër edhe kërkesa për lirimin e liderit të PD-së, nga persekutimi dhe burgosja politike. Jemi duke verifikuar shifrat e raportuara nga degët dhe gjithçka tregon se ka për të pasur një pjesëmarrje masive, kundrejt gjithçkaje që po bën pushteti për të dekurajuar njerëzit që të vijnë me historinë sikur në Tiranë do bëhet nami. Sigurish ka për të qenë protestë e pazakontë por të gjithë janë të inkurajuar që të vijnë të protestojnë bashke me ne”.
Sipas Kasos, kërkesa kryesore në këtë protesta ka të bëj me nismën e krijimit të mundësive për zgjedhje të drejta dhe të lira.
“Kërkesat tona janë kryekëput politike dhe situata është edhe me rëndësi sepse i takon çështjes së zgjedhjeve, kërkesa jonë kryesore ka të bëj e procesin e ardhshëm zgjedhor përmes një qeverie teknike e cila duhet garantojë procesin zgjedhor, garantimi i rregullave të barabarta në një fushë zgjedhore. Kemi parë tu japim mundësi që të bëjmë zgjedhje e të mos bëjnë votime. Siç është qëllimi i Ramës që të mos i lër shqiptarët që të bëjnë zgjedhje të lira”.
