Nënkryetari i PD-së Luçiano Boçi, ka reaguar në lidhje me sekuestrimin e telefonit të një drejtoreshe në Bashkinë e Tiranës nga ana e SPAK.
Boçi ironizon SPAK, teksa shkruan se që këta që bëjnë “krime intelektuale” po presin 6 muaj tek dera e Bashkisë si budallenj SPAK-un që t’i marrë telefonin e t’ia zbulojë të gjitha
Postimi i Boçit:
I bukur ky lajmi nga SPAK!
Sekuestrohet telefoni i një tjetre drejtoreshe Erinda Fino, në kuadër të hetimeve për korrupsion në tendera.
Ndërkohë që bomba e korrupsionit ka 6 muaj që ka plasur dhe e di i madh dhe i vogël.
Sipas SPAK i bie që këta që bëjnë “krime intelektuale” po presin 6 muaj tek dera e Bashkisë si budallenj SPAK-un që t’i marrë telefonin e t’ia zbulojë të gjitha.
Normal që pas gjashtë muajve e kanë ndërruar së paku 6 herë telefonin.
Ky rast tejkalon dhe atë që ndodhi në Bashkinë e Elbasanit para pak muajsh, ku SPAK sekuestroi disa telefona të disa drejtuesve të dyshuar për korrupsion.
Por ndërkohë ata ishn lajmëruar për këtë gjë dhe dorëzuan telefona të virgjër.
Megjithatë kësaj së sotmes, pas gjashtë muajsh, vërtet i them tamam “befasi”!!!!
