Seanca e sotme në Kuvend shkaktoi tensione vetëm jashtë sallës, pasi deputetët demokrat nuk u lejuan të futen brenda nga Garda e Republikës, teksa në sallë u futën vetëm socialistët dhe miratuan ligjet në më pak se 27 minuta.
Deputetët e PD-së, pasi nuk arritën që të ndalonin futjen e kolegëve socialistë në Kuvend, kryen një akt simbolik në oborrin e Kuvendit.
Ata sollën aty katër manekina me veshje burgu dhe fytyrat e kryeministrit Edi Rama, vëllait të tij Olsi Rama, Fatmkir Xhafajt dhe vëllait trafikant të drogës së tij Geron alias Agron Xhafaj. Ka qenë Flamur Noka, ai i cili i ka lyer me benzinë dhe më pas iu vuri zjarrin.
Kaq ka mjaftuar që Policia e Tiranës ta shpallë aty skenë krimi. Secialistët kriminalistë të Policisë Shkencore kanë mbërritur në vendin e ngjarjes për të marrë provat.
Nuk dihet nëse blutë e kryeqytetit do të referojnë dikë në SPAK, siç bën radhën e kaluar ku proceduan 23 deputetë opozitarë.
