Kuvendi do të mblidhet sot në orën 10:00 për seancën e radhës plenare, ku në rendin e ditës janë ratifikimi i një marrëveshje mes qeverisë shqiptare dhe asaj gjermane, si dhe votimit për vakancat në KLGJ dhe KLP.
Ditën e sotme hyn në fuqi vendimi i marrë nga socialistët për përjashtimin e 24 deputetëve të PD-së, ku Flamur Noka, Gazment Bardhi dhe Bledjon Nallbati do të qëndrojnë për 60 ditë jashtë aktiviteve parlamentare, 20 deputetë të tjerë janë përjashtuart me nga 40 ditë, ndërsa Edi Paloka me 10 ditë, edhe pse ai pretendon se nuk ka qenë fare aty.
Dënime ekstreme nga mazhoranca për tensionet e të hënës, për ta lënë Kuvendin pa opozitë, ashtu siç preferon kryeministri Edi Rama.
Vlen të theksohet fakti se veç përjashtimeve, socialistët çuan në SPAK edhe 24 deputetë opozitarë, madje reaguan në kor edhe ambasadat perëndimore, duke folur me gjuhën e Ramës kundër opozitës, edhe pse heshtin për dënimin politik të Ervin Salianjit, apo kur me urdhër të Ramës, Kuvendi mbetet pa opozitë.
Por ndërkohë, demokratët nuk kanë aspak ndërmend të tërhiqen nga aksioni i tyre për të mos lejuar zhvillimin normal të seancave plenare, pas burgosjes së kolegut të tyre Ervin Salianji, duke e konsideruar vendim politik.
Në seancën e sotme pritet sërish tensione, teksa këtë gjë e paralajmëro dhe Gazment Bardhi në një prononcim për mediat pas mbledhjes së djeshme të grupit parlamentar.
“Sa i takon seancës së nesërme, grupi parlamentar ka vendosur të bëjë gjithçka për të mos lejuar normalitet në seancën e nesërme. Strategjitë se çfarë do bëjmë do t’i mësoni aty, mos prisni detaje, pjesa dërrmuese e reagimeve tona janë spontante të diktuara nga sjelljet e mazhorancës.”, – deklaroi Gazment Bardhi. Ndërkohë PS është shprehur se do të vijojë aktivitetin e saj parlamentar sipas axhendës së përcaktuar.
Rendi i ditës:
1. Miratimi i procesverbalit të seancës plenare të datës 30.9.2024.
2. Njoftime.
3. Projektligji “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë mbi bashkëpunimin teknik 2022 për projektin “Programi për një zhvillim urban rezistent ndaj ndryshimeve klimatike në Shqipëri
4. Projektvendimi “Për zgjedhjen e anëtarit të Këshillit të Lartë Gjyqësor nga radhët e përfaqësuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i dytë.
5. Projektvendimi “Për zgjedhjen e anëtarit të Këshillit të Lartë të Prokurorisë nga radhët e përfaqësuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i dytë.
6. Diskutime për çështje jashtë rendit të ditës.
