Nga Basir Çollaku
Kur nuk të blen të kërcënon dhe ofendon…
Mediet e huaja, ato të rëndësishne gjermane, kanë folur bashkërisht kundër Edi Ramës dhe veseve të tij për presionet e kanosjet kur nuk i ngjit shkrimi
Reagimin e ka bërë, “der Spiegel” ku në një artikull të gjatë theksohej ndër të tjera se narkoshteti mafioz i drejtuar nga Rama, ‘blen’ mbështjetjen ndërkombëtare me para korrupsioni dhe krimi.
Gazetari Mathieu von Rohr ka poguar se Edi Rama i kishte marrë në telefon gazetarët për t’i intimiduar dhe bërë presion që të mos botojnë artikullin. Reagimi është mbështetur edhe gazetari tjetër i njohur gjerman, Michael Martens, i gazetës së madhe Frankfurter Allgemeine Zeitung dhe median tjetër FAZ, i cili ka mbështetur kolegun dhe ka shtuar se ky është një stil i njohur i Edi Ramës, ku kërcënon gazetarë të mos kritikojnë qeverinë e tij dhe mos zbulujonë lidhje e saj me krimin e mafien.
Kohë më parë hodhi në gjyq gazetën e madhe gjermane Bild ku kërkoi 100 mijë euro dëmshpërblim se shkrimet e Peter Tiede e kishin damkosur qeverinë e tij si mafioze e narkomane. Më pas u tërhoq dhe hodhi fjalë publikisht se ata ishin djem të mirë, ndonëse në seancë paraprake kishte mësuar në gjykatë se do ishte humbës.
Muaj më parë turfullonte kundër RAI 3 duke telefonuar e intimiduar për të njëjtat telashe. Mediet greke franceze, britanike, amerikane, e kanë hasur jo rrallë dalldinë e tij të shfrenuar. Ramën kanë nisur ta vrasin ata që e krijuan. Mediet. Së fundmi shkrimet e sheqerosura, të blera në forma të ndryshme janë rralluar. Kanë kohë i rrinë larg. E dinë se raportet botërore zyrtare e cilësojnë Edi Ramën dhe qeverinë e tij me lidhje të forta me mafian, trafikun e drogës, pastrimin e parave.
Në Shqipëri. Mediet kombëtare janë kryesisht biznese qeveritare. Pas tyre ngjashëm mjaft medie janë zhytur në tendera, investime, koncensione, ndere financiare. Janë zyra shtypi të parti-qeverisë. Një përqindje minimale është opozitare dhe nxjerr të vërteta kriminale të pushtetit. Ajo sulmohet në çdo formë me kanosje falimenti ose burgu. Mediet sociale megjithë incenerimin nëpër bordero kanë mbijetuar kundër narkomanisë qeveritare. Të huajt nuk e kursejnë në dosjet e drogës vëlla Olsin, baxhanakun në tendera, Geron Agronin e vëlla Fatmirit në trafiqe, kokainën qeveritare në zgjedhje, në ndërtime e investime strategjike.
Ata të huajt nuk ia fërshëllejnë fort Aleksit. Nuk ia kanë dorëzuar drejtësinë xha Sorosit. Ata e njohin Zotin e drogës dhe Mafias dhe po e shpërfytyrojnë..Të huajt në takime po i kthejnë kurrizin. Kanë frikë ta takojnë hapur. Është radha e shqiptarëve ta hedhin tutje..
