Nga Klodian Tomorri
Gjykata e Apelit doli sot dhe tha që e morem vendimin për denimin e Salianjit unanimisht. Vetë dalja i tregon disa gjëra se një gjykatë që merr vendim në perputhje me ligjin s’ka nevojë të bëjë PR për të sqaruar publikun.
Unë nuk i njoh provat dhe çështjen ndaj s’hyj dot në të. Ndoshta Salianji ka bërë faj me të vertetë dhe meritonte të dënohej. Por unanimiteti i Gjykatës nuk na sqaron dot disa gjëra.
1-Si ka mundësi që tre gjyqtarë ishin në unanimitet për të dënuar dikë më shumë se sa kërkon prokuroria? Zakonisht gjykatat frenojnë orekset represive të prokurorisë si filtër që mbron qytetarët. Një gjykatës që dënon më shumë se prokurori ngre pikëpyetje. Kur këtë e bëjnë tre gjyqtarë në unanimitet, bëhet ai që s’thuhet kala.
2-Në cilin Kod apo ligj shqiptar ekziston termi kallëzim i rremë publik? Çfarë do të thotë ai?
3-Per shembull, a quhet kallëzim i rremë publik emaili që Edi Rama, Erjon Veliaj dhe Partia Socialiste i dërguan Brukselit, ku informohej bota se Sali Berisha i kishte çarë barkun si dushmani dhe i kishte nxjerrë fëmijën nga barku Griseldës së Kavajës? Po transfertat 5 mijë euroshe që Putini i nisi Monika Kryemadhit?
4-Një pjesë e madhe e shpifjeve publike në Shqipëri vijnë nga njerëzit që përdor apo paguan qeveria. Këta hyjnë në krevatet e familjeve, u gjejnë grave dashnore, bëjnë burrat me harem dhe bizneset korporata orgjish. Ç’mendon unanimiteti për këtë?
Ky është pak unanimitet i cuditshëm. Në fakt, ngjan më shumë si unitet i çeliktë. Të përbashkuar rreth Partisë dhe t’i fusim comangen kokës kujtdo që cakton qeveria.
