Deputeti Ervin Salianji ka mbërritur në selinë blu për të marrë pjesë në mbledhjen e Kryesisë së Partisë Demokratike.
Në këtë mbledhje do të diskutohet mbi aksionin që do të ndjekë opozita pas vendimit politik të Gjykatës së Apelit, e cila dënoi me 1 vit burgim Salianjin për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Mbledhja e Kryesisë së PD-së, pritet të nisë me fjalimin e liderit demokrat Sali Berisha, i cili do të marrë pjesë online.
Më herët u mblodh grupi parlamentar i PD-së, ku deputetët dhanë propozimet e tyre mbi aksionin që do të ndjekë PD, teksa këto propozime pritet të miratohen nga Kryesia.
Gjithashtu, mësohet se grupi parlamentar i PD-së do të mblidhet sërish ditën e nesërme.
