Policia e Tiranës ka reaguar në lidhje me pamjet e publikuara sot në media, ku një grua një fëmijë nga një supermarket, teksa kanë qenë punonjësit ata të cilët kanmë reaguar dhe kanë parandaluar ngjarjen e rëndë.
Blutë e kryeqytetit bëjnë me dije se denoncimi është bërë ditën e djeshme nga shtetasi E. D., 34 vjeç, teksa ngjarja ka ndodhur në një market në “Rrugën e Barrikadave”, ku fëmija që u tentua të rrëmbehej ka qenë një vajzë 2-vjeçare.
Më tej në njoftim thuhet se sipas dëshmive të punonjësve të marketit, gruaja protagoniste e ngjarje, gjatë komunikimit ka shfaqur probleme dyshohet të shëndetit mendor.
Policia e Tiranës deklaron se po punon për identifikimin e gruas dhe për zbardhjen e plotë të ngjarjes.
.
Njoftimi:
Në lidhje me një video të publikuar në një portal në të cilën shfaqet një shtetase në ambientet e një marketi, e cila merr në krahë një fëmijë të mitur, del nga marketi dhe më pas kthehet sërish, ju informojmë se:
Më datë 14.09.2024, është paraqitur në Polici shtetasi E. D., 34 vjeç, i cili ka kallëzuar se në Rrugën e Barrikadave, në një market, një shtetase ende e paidentifikuar, ka marrë në krahë vajzën e tij të mitur 2 vjeçe, ka dalë nga dera e marketit dhe më pas është rikthyer sërish.
Shërbimet e Policisë menjëherë kanë shkruar në vendngjarje ku kanë administruar pamjet filmike si dhe kanë pyetur punonjësit e marketit të cilët kanë pohuar se shtetasja në fjalë, gjatë komunikimit ka shfaqur probleme dyshohet të shëndetit mendor.
Vijon puna për identifikimin e saj dhe sqarimin e rrethanave të ngjarjes.
