Gushti i 2024, do të cilësohet si një muajt më të ‘zinj’ në vitet e fundit, pasi vendi ynë është tronditur nga një sërë ngjarjesh të rënda, ku ka pasur disa vrasje, plagosje, vetëvrasje, por edhe raste të shtuara të dhunës.
Teksa në të gjithë muajin, kronikat e zeza zunë vendin kryesor tek lajmet e zeza, diçka e tillë është përsëritur edhe në ditën e fundit të muajit, teksa një ngjarje e rëndë është shënuar pasditën e sotme në Korçë.
45-vjeçari Bledar Trëndafili, gjatë orës 16:30 në lagjen nr. 2, Korçë, ka tentuar që të djegë me benzinë në rrugë, bashkëshorten e tij, Melisa Trëndafili.
Sipas raportiveme, çifti me diferëncë 14 vite në moshë, ishin në proces divorci, dhe gjatë ditës së sotme, Bledar Trëndafili ka shkuar në banesën ku jetonte gruaja e tij, Melisa Trëndafili, e ka larë këtë të fundit me benzinë , i ka vënë flakën dhe më pas është larguar me shpejtësi.
Policia deklaron se i është vënë në ndjekje 45-vjeçarit, i cili është arratisur, ndërsa e dëmtuara është nisur drejtë spitalit të traumës në Tiranë.
Njoftimi i policisë:
Korçë/Informacion paraprak
Rreth orës 16:30, në lagjen nr. 2, Korçë, në rrugë, shtetasi B. T., 45 vjeç, ka tentuar të djegë me lëndë djegëse benzinë bashkëshorten,( në proces divorci dhe aktualisht jetojnë të ndarë), shtetasen M. T., 31 vjeçe.
Shtetasi B.T, pasi i ka hedhur lëndën djegëse në trup shtetases M.T dhe e ka ndezur është larguar me shpejtësi.
Si pasojë shtetasja M. T., ka pësuar djegie në trup dhe është dërguar menjëherë në spital për ndihmë mjekësore.
Shërbimet e Policisë janë vënë në ndjekje të 45 vjeçarit.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave dhe dokumentimin ligjor të rastit.
Ndërkohë shërbimet e Policisë vijojnë kontrollet për kapjen e autorit.
Fqinji: 31-vjeçarja na trokitit në derë, e ndihmuam fikjen e flakëve të zjarrit
Një fqinj i cili i ka dhënë ndihmën e parë gruas, ka treguar se 31-vjeçarja i trokiti në derë dhe ai e ndihmoi për të fikur zjarrin.
Burri ka treguar se e reja kishte plagë të shumta në të gjithë trupin, me përjashtim të fytyrës dhe këmbëve.
“Kam parë një burrë i cili në mes të rrugës fare pranë shtëpisë sime ka spërkatur me benzinë një grua e me pas i ka vënë flakën. Gruaja e tmerruar ka trokitur në portën e shtëpisë time dhe së bashku me bashkëshorten e kemi ndihmuar fikjen e flakëve të zjarrit. I kemi hequr të gjitha rrobat nga trupi dhe e kemi veshur ,por plagët me përjashtim të fytyrës dhe këmbëve, ishin të mëdha dhe pothuajse gjithë trupi ishte me plagë të shumta. Kemi lajmëruar policinë dhe ambulancen të cilët erdhën shpejt në vendin e ngjarjes”, ka thënë ai.
