Lideri i opozitës, Sali Berisha tha se për vrasjen e Egli Progës, Rama bëri apologjinë e policisë, dukë bërë gjjithçka që të fshihte krimin me dëshmitarë.
Në ditën e 226 të qëndresës, para qytetarëve, Berisha tha se Rama është padrino i mafies së veriut dhe armik i qytetarëve.
Sipas kreut të PD, Rama tentoi të dalë në krah të policisë, teksa vrasësin e cilësoi një gjobëvënës të Rilindjes.
“Drama, tragjedia e Egli Progës dhe familjes së tij është në tërësi një dramë shqiptare e madhe, që luhet sot kudo në çdo qytet, në çdo fshat, në çdo vend.
Sundimi i krimit mbi qytetarin, shteti i krimit mbi shtetin ligjor, kjo është Shqipëria sot.
Pas kaq ditësh nga kjo ngjarje që tronditi thellë ndërgjegjen njerëzore të qytetarëve të Pogradecit dhe Shqipërisë, më në fund foli edhe padrinoja, Edi Rama.
Lexojeni miq se çfarë turpi, çfarë fytyre ka kriminel që në një çarçaf të tërë nuk gjen dot një hapësirë sado të vogël për t’i shprehur ngushëllim familjes Proga.
Që në pamfletin e tij të turpit, apologji e krimit, nuk thotë një fjalë të vetme për dënimin e kriminelit.
Përkundrazi, bën apologjinë e policisë që bëri gjithçka të fshihet krimin me dëshmitarë.
Bën apologjinë e urgjencës që e la të shtrirë në 300 metra distancë mbi 30 minuta.
Kjo është Shqipëria, ky është Edi Rama”, tha Berisha.
