Qeveria i trembet avokatit Genc Gjokutaj i cili i bëri thirrje qytetarëve që të çohen dhe me revolucion të dhunshëm ta largojnë Edi Ramën nga pushteti, i cili sipas tij, ka instaluar diktaturën në vendin tonë.
Pas thirrjes së avokatit, me “urdhër politik” policia me urgjencë ka referuar dosjen në Prokurori ndaj Genc Gjokutaj i cili akuzohet për veprën penale “Thirrjet publike për veprime të dhunshme”.
“Specialistët e Sektorit për Hetimin e Krimeve Kibernetike në DVP Tiranë, kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasit G .Gj., me profesion avokat, për veprën penale “Thirrjet publike për veprime të dhunshme“, parashikuar nga neni 223 i Kodit Penal.
Procedimi ndaj këtij shtetasi filloi pasi gjatë monitorimit të vazhdueshëm të burimeve të hapura të informacionit nga ana e Sektorit për Hetimin e Krimeve Kibernetike, është konstatuar një postim, i publikuar nga shtetasi G. Gj., i cili bën thirrje për të kryer veprime të dhunshme, postim ky i cili konstatohet se është publikuar dhe në media të ndryshme online”, njofton policia e Tiranës.
Materialet i kaluan Prokurorisë.
- Çfarë thirrje bëri avokati Genc Gjokutaj që frikësoi qeverinë?
Mbrëmjen e djeshme në Kuvend u miratuan ndryshimet në Kodin Zgjedhor. Mbi ngjarjen ka reaguar avokati Genc Gjokutaj, i cili është shprehur se diktaturat nuk rrëzohen me kode zgjedhore.
Në një postim në rrjetet sociale, ai ka bërë thirrje për revoltë popullore, ndërsa u ka kërkuar qytetarëve të thyejnë sportele e ë rrahin efektivët policorë të cilët sipas tij mbrojnë hajdutët.
Ai ka shkuar edhe më tej duke u kërkuar shqiptarëve të vrasin patronazhistët, të cilët sipas avokatit po u vjedhin qytetarëve të ardhmen.
“Te dashur Shqiptare! Diktaturat nuk rrezohen me kode zgjedhore! As me amendime ligjesh! Hajduti kapet ne vjedhje dhe jo me permiresim te ligjit apo ashpersim denimi! Vetem revolta popullore dhe forca njerezore shkulin hajdutet nga pushteti! Shqiptare qe e doni Shqiperine dhe jo qe dini shqip!
Dilni nga shtepite sot! Thyeni çdo sportel qe ju kerkon shpirtin! Rrihni çdo polic qe mbron hajdutet! Vrisni çdo patronazhist qe ju vjedh te ardhmen dhe familjen! Vetem keshtu Shqiptaret mund te behen Zoterinj dhe Shqiperia Zonje!”, shkroi Gjokutaj.
Lexo edhe:
Avokati i Berishës thirrje për revoltë: Dilni nga shtëpitë, thyeni…
