Aktivisti Pano Soko teksa për atentatin me 3 viktima dhe 1 të plagosur në Memaliaj, tha se grupet kriminale po tentojnë të përdorin të gjithë vendin në funksion të ekonomisë së tyre.
I ftuar në News24 tha se janë jo pak, por 4.8 mld euro, që kjo ekonomi e krimit, që është shumë më e madhe se çdo industri tjetër në vend, do të krijojë përplasje.
Sipas tij, është pikërisht kjo arsyeja që grupet kriminale mbjellin situata të tilla.
“Këtu qarkullojnë paratë, këtu lahen edhe hesapet. Nëse në këtë vend qarkullojnë 4.8 mld euro, që kalon çdo shumë të ekonomisë shqiptare, natyrisht që do të kemi përplasje të tilla. Kush e lejon krijimin e këtij mjedisi, këtij ambienti? Natyrisht që qeveria”, tha Soko.
