Një autobus me disa turistë nga Shqipëria është përfshirë në një aksident të rëndë rrugor në Katania të Siçilisë rreth orës 16:00 ku mbetën të plagour 16 persona.
Në lidhje me ngjarjen ka ardhur edhe reagimi i Ministrisë së Jashtme e cila bën me dije se të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën.
Më tej thuhet se janë në kontakt të vazhdueshëm me palën italiane.
Nuk dihen ende shkaqet e këtij aksidentit por dyshohet se shkak mund të ketë qenë një defekt i frenave.
Njoftimi i Ministrisë së Jashtme:
Ministria për Evropën dhe Punët e Jashtme, menjëherë pas informacionit mbi aksidentin automobilistik në Katania, është vënë në komunikim me autoritetet italiane, përmes ambasadës së RSH në Romë dhe konsullatave të RSH në Milano e Bari.
Sipas informacioneve paraprake, të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën. Me porosi të Ministrit Igli Hasani, përfaqësuesit e ambasadës dhe konsullatave po monitorojnë situatën e janë në kontakt të vazhdueshëm me palën italiane.
