Një autobus i vogël me turistë nga Shqipëria është përfshirë në një aksident të rëndë rrugor pasditen e kësaj të shtune në Itali.
Sipas informacioneve paraprake të publikuara nga Meridionews.it, autbusi po lëvizte në provincën e Katanias, nga Zafferana Etnea në drejtim të Santa Venerina.
Media italiane shkruan se autobusi mund të ketë pësuar një defekt në frena.
Zjarrfikësit, ekipet e policisë dhe autoambulancat shkuan menjëherë në vendngjarje për të dhënë ndihmën e parë.
Si pasojë e aksidentit kanë mbetur të plagosur 16 persona, disa prej të cilëve janë dashur të transportohet me autoambulancë në spital.
Fatmirësisht asnjë prej të aksidentuarve nuk është në gjendje të rëndë.
