Kryedemokrati Sali Berisha, në fjalën e tij në “Rrugën e Shpresës”, u ndal edhe te dëshmia skandaloze e një prej vajzave që denoncoi vrasësin serial Nuredin Dumanin, se ai i kishte vendosur tritol në banesë dhe se vijonte i qetë aktivitetin kriminal nga qelia luksoze e burgut.
Berisha shprehet se kushëriri i Altin Dumanit i vuri minën dy vajzave dhe dëshmia e njërës prej tyre, Alda Nikollit, është thelbi i këtij shteti.
“Sot po lexoja historinë tragjike të dy vajzave, të cilave Nuredin Dumani, kushëriri i Altin Dumanit, nga burgu ku është, pas kërcënimeve, u kishte vënë minën te shtëpia.
Minën për t’i hedhur në erë dy vajza të reja. Një 27-vjeçar që kaloi aty është sot në gjendje kritike për jetën.
Rrëfimi i njërës prej tyre guximtare, është i gjithë thelbi i këtij shteti. Iu ankova Dumanit të Skapit për Dumanin e qelisë, më tha ai bënte shaka, nuk e ka me të vra ty. U ankova tek policia e Ballës, kot i ke këto.
Dhe nga qelia ku është, u çoi minën me sahat për t’i hedhur në erë të dyja.
Dje, deputeti ynë pyeti kriminelin me pesë mbiemra, Taulant Ballën, e mbylli gojën, e qepi gojën ky porositësi i vrasjeve.
Sepse Dumani ishte vrasësi i porosive të Suel Çelës. Dhe të Taulant Ballës atëherë.”- deklaroi Berisha.
