2 persona janë plagosur me thikë nga një i moshuar në qytetin e Shkodrës. Policia bën me dije se autori 76-vjeçar është arrestuar nga blutë e Shkodrës.
Ngjarja ka ndodhur paraditen e sotme në rrugën “Filip Shiroka”, ndërsa policia thekson se vijon puna për sqarimin e plotë të rrethanave të ngjarjes.
Njoftimi i policisë:
Rreth orës 11:40, në rrugen “Filip Shiroka”, dyshohet se gjatë një konflikti për motive të dobëta, shtetasi G. K. ka dëmtuar me mjet prerës (thikë), shtetasit F. G., 51 vjeç dhe K. G., 49 vjeç, të cilët janë jashtë rrezikut për jetën.
Shërbimet e Policisë kanë shkuar menjëherë në vendngjarje dhe falë veprimeve të shpejta, kanë bërë të mundur kapjen e autorit të dyshuar, shtetasit G. K., 76 vjeç.
Vijon puna për sqarimin e plotë të rrethanave të ngjarjes.
