Teksa na ndajnë pak orë nga protesta e opozitës para Kryeministrisël, ish-deputeti i PD-së dhe njëkohësisht drejtuesi politik i PL-së në Qarkun Berat, Lefter Maliqi i ka bërë thirrje Lulzim Bashës që të dalë në shesh.
Përmes një postimi në rrjetet sociale, Maliqi shkruan se çdo njeri mund të gabojë në politikë, teksa sipas tij, sot Lulzim Basha ka mundësinë për të treguar se është kundër kryeministrit Edi Rama duke dalë në protestës.
“Tregohu burrë për detyrimet që i ke demokratëve dhe shqiptarëve! Bashkohu me uraganin madhështor popullor i cili do të sjell ndryshimin, rotacionin politik dhe të ardhmen e sigurt të vendit në BE.” – është thirrja që Maliqi i drejton ish-kryedemokratit.
Postimi i Maliqit:
Thirrje e sinqertë Z. Lulëzim Basha:
Çdo njeri gabon në politikë dhe në jetë. Sot duhet të tregosh veten që je kundra “Regjimit të Ramës” apo oksigjeni i tij.
Nëse je kundra tij, bashkohu sot me Qindra-Mijëra demokratë opozitarë e qytetarë në orën 20:00 përpara Kryeministrisë së krimit dhe skandaleve!
Tregohu burrë për detyrimet që i ke demokratëve dhe shqiptarëve!
Bashkohu me uraganin madhështor popullor i cili do të sjell ndryshimin, rotacionin politik dhe të ardhmen e sigurt të vendit në BE.
✅ Mbrëmja e sotme me “uraganin popullor” do të jetë dita më e rendësishme në kalendarin e historisë, si dita e qendresës dhe bashkimit të madh.
Tregoje veten se je Europian dhe jep kontributin tënd në këtë bashkim historik kundra “Narkoshtetit”, kundra instalimit të diktaturës, kundra varfërisë, pasigurisë, skandaleve dhe shpopullimit dhe pro zgjedhjeve të lira me Qeveri Teknike!
Mos rri, po duku!✌️
