Spanja është finalistja e parë e Kampionatit Europian të futbollit teksa ka mposhtur me rezultatin 2-1 Francën në një sfidë të luftuar deri në momentet e fundit.
Në “Allianz Arena” sfida nisi me mjaft ritëm të lartë. “Gjelat” zhbllokuan takimin që në minutën e nëntë me Kolo Muani, i cili shfrytëzoi në maksimum krosimin e Mbappe.
Iberikët u vendosën në kërkim të golit të barazimit, por hasi mjaft vështirësi, pasi prapavija e skuadrës së Deschamps i kishte marrë masat.
Kylian Mbappe u shfaq në të 18-tën me një rast të rrezikshëm, duke shkaktuar drithërima në stadium.
Në minutën e 21-të, Yamal realizoi një kryevepër, duke vendosur ekuilibrat. Goli i përmbysjes erdhi nga Olmo, i cili goditi nga brenda zonës, duke u ndihmuar kështu nga një devijim i Kounde.
