Pas dy muajsh hetimesh, Policia e Durrësit ka zbuluar arsenal armësh, ndërsa janë sekuestruar qindra doza kanabisi, kokaine dhe heroine. Operacioni i koduar ‘Summer’ ka çuar në pranga 15 persona, kurse 3 të tjerë janë shpallur në kërkim (Orgito Mema, Enis Piro dhe Dashamir Mehmeti).
Mes personave të shpallur në kërkim është edhe 41-vjeçari Dashamir Mehmeti, drejtori i shkollës së muzikës ‘Jan Kukuzeli’ në Durrës. Policia ka zbuluar përfshirjen e drejtorit të shkollës në veprimtari kriminale, pasi ka organizuar një blerje të simuluar. Mehmeti ka rënë në kurthin e ngritur nga blutë e Durrësit, duke i shitur një agjenti drogë.
Blerja e drogës nga policia është bërë tek persona të ndryshëm, të cilët u kanë shitur drogë agjentëve dhe më pas policia ka vepruar për të goditur këtë veprimtari kriminale. Armët janë gjetur në banesën e Zamir Hoxhës, 48 vjeç, drejtorit të shkollës Mehmeti që iu gjet një pistoletë dhe 23-vjeçarit Mehmet Meta.
Të arrestuarit janë: Durim Meta, Florian Demiri, Flamur Tare, Diamant Shkina, Sadik Lako, Rustem Kolgjini, Zamir Hoxha, Mariglen Lisi, Saimir Sina, Klodian Sehiti, Mateos Jeshili, Ergert Patlli dhe Gerald Taraj. Xhuliano Xhaferi, Mehmet Meta.
Në kuadër të këtij operacioni janë sekuestruar në cilësinë e provës materiale: 1 armë zjarri e llojit kallashnikov, 3 pistoleta, 1 pushkë, 1 çifte, municion luftarak, qindra doza me lëndë narkotike të dyshuar kokainë, heroinë, kanabis, 20 telefona celular, 7 automjete, peshore elektronike dhe një shumë parash e përfituar nga kjo veprimtari kriminale.
Lexo edhe:
EMRAT/ Zbulohet arsenal armësh në Durrës, sekuestrohet kokainë dhe heroinë, 15 të arrestuar
