Ish-deputeti i PD Luçiano Boçi tha se Lulzim Basha dhe Enkelejd Alibeaj janë vetëpërjashtuar nga partia. I ftuar në emisionin “Open”, ai u shpreh se thirrjet Sali Berishës për bashkim janë normale, por sipas tij Basha dhe Alibeaj e kanë ndëtuar vetë fatin politik.
Ndërsa, anëtari i kryesisë së PD, Enno Bozdo u shpreh se marrja e vulës është një fitore shumë e madhe.
Eno Bozdo: Marrja e vulës është fitore shumë e madhe, sepse ne garojmë me siglën tonë, me flamurin tonë. Drejtësia funksionoi më në fund. Edi Rama e kuptoi se ka një opozitë me të cilën nuk tallet dot më. Do të ketë moment që Rama do reflektojë për qeveri teknike. Rama thoshte se nuk bëj marrëveshje me non gratën, u detyrua ta njohë Grupin Parlamentar të Partisë Demokratike. Për ata që mendojnë se Rama nuk blen votat, lexoni raportin e OSBE, që flet gjitha të zezat, që nuk i ka thënë kurrë përpara 2013. Në nivel strukture, bashkimi është thuajse i kryer. Kjo është hapja, që ftojmë elementët opozitarë, me deputetë që e duan ose jo Sali Berishën si kryetar partie. Partia është më e rëndësishme sesa kryetari.
Luciano Boçi: Nuk lëshoi Rama te vendimi për vulën, u detyrua Rama. Ishte një e drejtë që nuk mund të zhbëhej dot më. U shfaqën gjyqtarë me integritet. Basha dhe Alibeaj e kanë ndërtuar vetë fatin e vet politik. Thirrja e Berishës është normale. Basha dhe Alibeaj u vetëpërjashtuan. Në PD të gjithë respektohen për kontributin që kanë dhënë. Jemi shumë të fortë. Bashkimi i PD do të ndodhë.
